Өндіріс • 06 Қараша, 2023
Өңірде автокөлік өнеркәсібі ілгерілеген сайын, білікті техника мамандарына деген сұраныс артып келеді. Облыс орталығындағы «Сарыарқаавтопром», «Агромашхолдинг», «Агротехмаш», Қостанай трактор зауыты сияқты ірі өнеркәсіп орындарына маман даярлайтын Қостанай автомобиль көлігі колледжі – осы сұранысты өтеп отырған бірден-бір білім ордасы. Бүгінде автоматтандырылған цифрлы өндіріске негізделген іргелі зауыттардың техникалық инженерлері, слесарь, токарь, шанақ дәнекерлеуші секілді мамандарының дені – осы колледжде еңбек ететін тәлімгер-ұстаз, Алтынсарин төсбелгісінің иегері Сергей Булаттың шәкірттері.
Қоғам • 02 Қараша, 2023
Қанатты жыртқыш Қостанайдың іргесіндегі Амангелді кентіндегі тұрғын үйдің ауласынан табылды. Өзіне таяп қалған адамды көрген бүркіт әуелде ұстатпай үркіп, әуеге көтерілмек болған екен, ұша алмапты.
Энергетика • 02 Қараша, 2023
Қостанайда келешекте елімізде салынуы мүмкін АЭС құрылысына қатысты қоғамдық талқылау өтті. Басқосуға қатысқан сарапшылар, ядролық физика мамандары өңірдің белсенді азаматтарының АЭС жөніндегі пікірін тыңдап, тұрғындардың сан сауалына жауап берді. Көпшілікке жаңа қуат көзін басқа емес, атомнан іздеудің себебі не? Жалпы, Қазақстанға АЭС-тің керегі не, берері не деген мәселелерді түсіндірді.
Көрме • 31 Қазан, 2023
Торғайдағы Әліби Жангелдин тарихи-мемориалдық мұражайында «Қасиетті Қазақстан» көрмесі ашылды. Тәуелсіз еліміздің тоқсаныншы жылдардан бері қарайғы дербес мемлекет болып қалыптасу, өрлеу, даму тарихын баяндайтын хронологиялық фотоэкспозиция алты бөлімнен тұрады.
Аймақтар • 31 Қазан, 2023
Жылу желілерінің 80-90 пайызы тозған Рудный, Арқалық қалаларында биыл жерасты құбырларын жаңарту жұмыстары қарқынды жүрді. Ала жаздай атқарылған ауқымды жұмыстың нәтижесінде 18 шақырымнан аса жылу құбыры жаңартылып, шағын шаһарлардағы әлеуметтік нысандар мен тұрғын үйдің бәрі күн суытпай орталық жылу желісіне қосылды.
Аймақтар • 23 Қазан, 2023
Республика күні қарсаңында Қостанай әуежайының маңдайшасына «Ахмет Байтұрсынұлы әуежайы» деген жазу орнады. Қуанышты хабар сол сәтте-ақ әлемжелі арқылы шартарапқа тарады. Оған көпшілік әр тұстан үн қосып, құтты болсын айтысып, сүйсініс білдіріп жатты.
Білім • 23 Қазан, 2023
Қостанайдағы Назарбаев зияткерлік мектебінің 12-сынып оқушылары Ерболат Сембаев пен Ілияс Бәйішев интерактивті зияткерлік ойын өткізуге арналған онлайн жүйе жасап шығарды. Олардың ойлап тапқан жүйесі қатысушыларға қойылған ашық сауалдардың жауабын автоматты түрде тексеріп, дұрыс-бұрысын бағалап отырады.
Отбасы • 27 Қыркүйек, 2023
Өңірде әр нәрсені сылтау етіп алимент борышын төлеуден жалтарып жүргендердің қатары азаймай тұр. Олардың мойнындағы қарыз көлемі 500 млн теңгеден асып кеткен.
Білім • 25 Тамыз, 2023
Қостанай облысында 454 мектептің 112-сі ғана қазақ тілінде білім береді. Яғни қазақ мектебі орыс мектебінен 4 есе аз. 115 аралас мектеп бар. Мұндағы қазақ сыныптары да өзге тілде білім беретін сыныптардан әлдеқайда аз. Орыс мектептерінің 60 пайызын өзіміздің қаракөз балалар толтырған. Биыл 1 қыркүйекте 10 384 бала алғаш рет мектеп табалдырығын аттайды. Осы балдырғандардың 70 пайыздан астамы орыс сыныптарына қабылданған. Қалған 29,1 пайызы ғана қазақ мектебіне барады.
Форум • 15 Тамыз, 2023
Қостанайда маңызды әлеуметтік мәселелерді шешу барысында мемлекет, бизнес және азаматтық қоғам арасындағы серіктестік пен ынтымақты нығайту мәселелері талқыланған халықаралық азаматтық форум өтті. «Халықаралық серіктестік: өңірлік аспект» деген тақырып төңірегінде өткен алқалы жиынға Қазақстанның әр аймағынан және Ресейдің шекаралас өңірлерінен келген қоғам белсенділері, сонымен қатар, Нидерланд, Бельгия, Ұлыбритания, онлайн режімде Франция, Грузия, Украина елшіліктерінің өкілдері қатысты.
