Жазушы шеберханасы
Әдебиет • 04 Қыркүйек, 2025
Авторлық еңбек – қуанышты да азапты үдеріс. Таңғажайып құбылыс десек те қателеспейміз. Ойлап қараңызшы, жабайы мәрмәр тасынан мүсінші қалай Юпитердің бейнесін көреді? Ал кәдуілгі қайың жапырағының адамның жүрегіне ұқсайтынын Мұқағали қайтіп аңғарды? Пушкинше толғансақ, әсердің мұндай шапшаңдығын, өзіндік шабыт пен сыртқы бөгде ерік арасындағы тығыз байланысты импровизатордың өзінен басқа ешкім де түсіне алмайды. Міне, осы себепті шығарманың қалайша дүниеге келгендігін автордың өзінен сұрап білу – әдебиеттанудың үлкен олжасы.
