Климат өзгерісі туралы форум
Университет • 19 Мамыр, 2024
Жоғары білім бағдарламалары: Климаттық өзгерістер
Абай атындағы Қазақ ұлттық педагогикалық университетінде «Климат өзгерісі бойынша білім берудің болашағы: педагогтар мен стейкхолдерлер арасында синергия құру» тақырыбында Азия форумы өтті. Абай университеті, Окаяма университеті, ЮНЕСКО-ның Алматыдағы өңірлік кеңсесі бірлесіп ұйымдастырған форумға Жапонияның ғылымды дамыту қоғамы (JSPS) қолдау көрсетті. Форум климаттың өзгеру мәселелерін шешу үшін білім беру мекемелері мен стейкхолдерлер арасындағы өзара тиімді ынтымақтастықты нығайтуды, білім берудегі тұрақты даму мен инновацияға ықпал ететін бірлескен стратегияларды әзірлей отырып, білім және озық тәжірибе алмасу алаңын құруды көздейді.
