Тұлға тағылымы һәм тәуелсіздік толғауы
Пікір • 07 Желтоқсан, 2021
Тұлға тағылымы һәм тәуелсіздік толғауы
Тәуелсіздіктің ордалы отызжылдық белесінде еліміздің әр азаматы бостандықтың қадір-парқы туралы, әлемдік қауымдастықта айшықты орын алған әлеуетті де қуатты мемлекетіміздің қоғамымыздың әр мүшесіне тигізген шапағаты мен шарапаты жайында ой-тебіреніске беріліп, бір сәт толғаныста жүруі табиғи жайт. Өйткені әркімнің азаттықтың арайлы таңы, аспан түстес алып көк туымыздың саясы жайында айтар ойы, сабақтар сыры бар. Әйткенмен осы бір тарихи мезгілде қара орман халқымыз аңсаған арайлы азаттықты сүйіншілеп жариялап, тәуелсіз мемлекетіміздің іргетасын қалаған азаттық архитекторы, Елбасы Н.Назарбаевтың ақжарма лебізін білгісі келетіні анық. Өйткені Елбасы тәуелсіздікті жариялап қана қоймай «отыз жыл бойы халқын қанаттыға қақтырмай, тұмсықтыға шоқыттырмай, қайраңға қалдырмай, қатарға қосқан» тұғырлы тұлға екені әмбеге аян.
