Тұлға • 21 Қаңтар, 2024
Қазақ бейнелеу өнерінің негізін қалаған алғашқы кәсіби суретші Әбілхан Қастеевтің туғанына 120 жыл толуына орай жоспарланған мәдени іс-шаралар шеруі Алматыдағы кескіндеме өнерінің кемеңгері атындағы өнер ордасының өзінен бастау алды. Саналы ғұмырында 4000-ға жуық туынды жазған әйгілі қылқалам шеберінің 400-ден аса көркем шығармасы өз есімін иеленген бүгінгі Әбілхан Қастеев атындағы Мемлекеттік өнер музейінің қорында сақтаулы тұр. Музей қызметкерлері бірнеше ай бойы әзірлеген «Ғасыр мұрасы» атты бұл көрмеге классик суретшінің 1930-1970 жылдар аралығында салған 300-ге жуық көркем және графикалық картинасын ел назарына ұсынды. Ә.Қастеевтің туындылары кеңестік Қазақстанның көркем шежіресі, тарихи жылнамасы іспетті. Бұл жұмыстарда ХХ ғасырдағы республикада болған, көшпелі халықтың дәстүрлі өмір салтын түбегейлі өзгерткен барлық маңызды тарихи оқиға көрініс тапқан.
Жануарлар • 21 Қаңтар, 2024
Бір-екі жыл бұрын Маңғыстау даласынан қызыл қасқыр кезіккен еді. Биыл «Қызылсай» саябағының қызметкерлері бейнекамерасына Бейнеу ауданындағы Үстірттің Батыс шыңының солтүстік шетінде орналасқан «Манашы» жергілікті маңызы бар мемлекеттік кешенді табиғи қорығы аумағынан ақ қасқыр ілікті. Мұндай оқиға аймақта өте сирек кездесетіндіктен, желі арқылы жария болған жаңалыққа жұрт елең ете қалды.
Пікір • 21 Қаңтар, 2024
Президент Қасым-Жомарт Тоқаев «Egemen Qazaqstan» газетіне берген сұхбатында еліміздің бірнеше беделді халықаралық ұйымға, оның ішінде Аралды құтқару халықаралық қорына төрағалық ететінін айтты. Ал бұл қордың құрылуы оңай болмағаны басы-қасында орындаушы қызметін атқарған бізге аян. 1991-1994 жылдары Президент аппараты мен министрлер кабинетінде экология және табиғатты пайдалану бөлімі болды, онда меңгерушілік қызметін атқарған едім. Сол жылдары көптеген ауқымды жұмыс атқарылды. Соның бірі – Арал проблемасын әлемге таныту, инвестиция тарту болды.
Теннис • 21 Қаңтар, 2024
Australian Open: Бірде-бір теннисшіміз қалмады
Қазақстанның бірінші, әлемнің 3-ракеткасы Елена Рыбакина Аустралия ашық чемпионатының үшінші айналымына шыға алмады.
Спорт • 21 Қаңтар, 2024
2009 жылы Астанаға баскетболдан қазақтан шыққан тұңғыш Олимпиада чемпионы Әлжан Жармұхамедов келді. 1972 жылы КСРО құрамасы сапында Мюнхен олимпиадасының жеңімпазы болған Әлжан ағамыз БАҚ өкілдеріне берген сұхбатында: «Мен Ташкентке жақын Табақсай ауылында дүниеге келдім. Әкеме жазда үй салуға көмектесетінмін. Бесінші сыныптан бастап мақта теруге баратынмын», дегені әлі есімізде.
