Қазақстан • 20 Қазан, 2022
«Жасыл даму» АҚ қатты тұрмыстық қалдықтарды бөлек жинаудың инфрақұрылымын дамыту жобасы аясында Өскеменде заманауи сұрыптау желісі іске қосылды. Кешеннің ресми ашылуына Шығыс Қазақстан облысының әкімі Даниал Ахметов, «Жасыл даму» АҚ Басқарма төрағасының орынбасары Нұржан Қабдолданов және Грекиянң «Sabo» компаниясының өкілдері қатысты.
Туризм • 20 Қазан, 2022
Жыл басынан бері облысқа сапарлаған туристер саны былтырғы осы кезеңмен салыстырғанда 20 пайызға көбейген. Олар негізінен тартылған теңіз табанында серуендеуге, Қамбаштың емдік суларына, Көкарал мен Барсакелмес қорығына қызығушылық танытып отыр. Келушілер арасында өңірдегі ежелгі қалашықтарды аралап, тарихын тани түскісі келетіндер де көп.
Әдебиет • 20 Қазан, 2022
Есте сақтау бір бөлек те, жүректе сақтаудың жөні бөлек. Жүректегі дүние көкейден кетпейді ғой. Бара-бара арман-аңсарға айналады. Мұратың болып маздауы да мүмкін. Ұмытылып бара жатып қайбір күндері жүрегіңнің бір түкпірінен оянып, жаныңды жылытады немесе мұңға батырады. Көңіліңді тербейді. Жан дүниеңе сырын шашып, сезіміңді байытады. Ғалидың жыры сияқты. Ғали Ормановтың жырмен дестеленген сыры сияқты. Шуақты, сәулелі шумақтардан нұр атқан Ғалидың жүрегіндей, Ғалидың тілегіндей. Оның сондай жаймашуақ жырларының қуатын сезінгенде, тіпті өлең оқымайтындарды аяп та кетуің ғажап емес.
Аймақтар • 20 Қазан, 2022
Ана тілдің тазалығын сақтау жас ұрпақтың жаңа сапасын қалыптастырудағы маңызды міндет. Абай атындағы республикалық мамандандырылған мектеп интернатындағы «Ділмар» шешендік өнер үйірмесі бұл бағытта жемісті жұмыс істеп келеді. Білім ордасы Абай университетімен бірлесе I республикалық жас ділмарлар сайысын өткізді.
Театр • 20 Қазан, 2022
Жақында «Астана Балет» театрында ХХ ғасырдағы балет өнерінің жауһарына айналған Альберто Алонсоның «Кармен-сюита» балетінің премьерасы өтті. Айтулы туындыны елордалық театр сахнасына белгілі хореограф Тимофей Лавренюк лайықтап қойды. Премьераны Мәдениет және спорт министрі Дәурен Абаев тамашалады.
