Аймақтар • 22 Тамыз, 2022
Қаптаған кеніштерден қайырым бар ма?
Баянауылдық жұрт көмір кеніштерінің қайырымы жоқтығына қапалы. Бұл өлкеде үш бірдей кеніш бола тұра, олардан босатылатын тас көмірдің игілігін жергілікті халық мүлде сезінбейміз дейді. Қоғам белсенділері кәсіпорындар Ресейге өткізетін отынның бағасын 2,5 есеге арзанға сататынын, ал жергілікті тұтынушыларға ешбір жауапкершілік танытпай отырғанын ашына жеткізді. Көршілес кейбір аудандарда отынның құнына қатысты шектеулер енгізіліп, тіпті Май ауданында көмірдің тоннасы биыл мың теңгеге арзандаған. Қазба байлықтың үстінде орналасса да әлгіндей артықшылықты пайдалана алмай отырған Баянауыл басшылығына жұрттың өкпесі қара қазандай.
Білім • 22 Тамыз, 2022
Аз күннен соң есігін айқара ашатын білім ошақтары биылғы оқу жылына дайындықты толықтай аяқтады деуге болады. Осы қатарда Алматы облысының мектептері де бар. Бұйырса, өңірдегі 423 жалпы білім беретін мектеп пен 44 колледжде алғашқы қоңырау соғылмақ.
Қоғам • 22 Тамыз, 2022
Мынадай да болады екен. Аяқ астынан банктік карточкаңызға танымайтын нөмірден ақша келіп түседі. Артынша әлгі нөмірдің иесі хабарласып, шатасып түсіп кеткен ақшасын қайтаруды сұрайды. Сендіретіндей себеп айтып, қаржыны басқа бір нөмірге аударып жіберуді өтінеді. Өлердегі сөзін айтып, қиылып тұрған бейтаныстың өтінішін аяқ асты еткіңіз келмей айтқанын орындайсыз. Осылайша, көдедей көп сауда желілерінің бірінен алынатын затқа алдын ала төлем жасағаныңызды білмей де қаласыз. Қысқасы затты алатын біреу, ал қалған жүздеген мың теңгені төлейтін сіз боласыз. Бұл – алаяқтардың кезекті айласы. Дамыған технология деп жүргеніміздің осындай түйткілді тұстары да бар енді.
Қоғам • 22 Тамыз, 2022
Кейінгі кезде бұқаралық ақпарат құралдарында қылмыстық жазадан ақталған адамдар туралы ақпарат жиі айтыла бастады. Әсіресе солардың қатарында ел ішінде саяси себепке байланысты сотталды деп есептелетіндер де бар. Олардың атын атап, түсін түстемей-ақ қоялық. Ақталғандар үшін қуанамыз, әрине. Осы орайда, жазықсыз жандарды темір торға қамауға үкім шығарғандар қандай да бір жазаға тартыла ма деген сауал туындайды.
Қазақстан • 22 Тамыз, 2022
Археология ғылымы дала зерттеулерімен шектелмейді
Археология ғылымы дегенде қазба жұмыстары, дала экспедициялары еске түседі. Көне даланың ғажайып қазынасы жайлы деректерді паш ететін ғылымның қыр-сырына қаныққан мамандар археология ғылымы далалық зерттеулермен шектелмейді деген пікірде. Зертханалық жұмыстармен қатар антропология, палеогенетика, геоархеология, археологиялық минералогия, остеология, археометаллургия, палеоботаника, геофизика және басқа да нақты және гуманитарлық ғылымдарды біріктіре отырып, ежелгі дүниенің бізге беймәлім әлемінен сыр шертетін ғылымды дамытудың еліміздегі мүмкіншілігі зор.
