Ұлттық экономика министрі Қуандық Бишімбаев пен Астана қаласының әкімі Әсет Исекешев қаладағы базарларға барып, әлеуметтік маңызы бар азық-түлік тауарларының бағаларымен танысты.
Олар «Шарын», «Шанхай», «Шапағат» базарлары, «Еуразия» сауда орталығы мен «Магнум» супермаркетінің сатушыларымен әңгімелесті.
Базарлар мен дүкендерді аралап болғаннан кейін Ұлттық экономика министрі Қуандық Бишімбаев: «Бүгінгі күннен бастап өнімдер бағаларының негізсіз көтерілуі туралы барлық фактілер мен өтініштер бойынша тексеріс басталады. Әсіресе әлеуметтік маңызды тауарларға қатысты тексерістер болады. Ол еліміз бойынша жүргізіледі», деді.
[caption id="attachment_52642" align="aligncenter" width="560"] Ұлттық экономика министрлігі[/caption]
Дастан КЕНЖАЛИН