Роботтар билеуден рекорд жасады

Қытайдың Шалдунь провинциясында өткен арнайы фестивальда 1007 робот бір мезгілде бірдей би билеп, Гиннестің рекордтар кітабына енді. Роботтар биі жалғыз мобильді құрылғы арқылы басқарылған. Заманауи әуен қосылғаннан кейін жансыз темірлер бір минут билеп, адамдардың бәрі бірдей жасай алмайтын күрделі қимылдарды жасапты. – Әуеннің ырғағынан жа­ңылып басқа роботтардың қи­мылына ілесе алмай қалғандары, тіпті, алаңда құлап қалған роботтар да болды. Рекорд әділетті болуы үшін оларды санақтан сы­зып тастауға тура келді. Әйт­песе, көрсеткіш бұдан да жақ­сырақ болар еді, – дейді шараны ұйымдастырушылар. Билейтін роботтардың бұған дейінгі рекорды да Қытайда тіркелгенін айта кету керек. Был­тыр дәл осы провинцияда өткен фестивальда 540 робот билеген. Алайда, ол роботтар басқа компанияға тиесілі екен. Яғни, биыл мыңнан астам роботты билеткен компания болса өзінің робот технологиясы нарығындағы бәсекелесінен есе қайтарыпты. Арнұр АСҚАР, «Егемен Қазақстан»