Рио-де-Жанейрода өтіп жатқан Олимпиялық ойындар бокс жарысының 1/4 финалында 81 килоға дейінгі салмақтағы қазақстандық Әділбек Ниязымбетов әзербайжан Теймур Мәмедовпен кездесіп, 3:0 (30:27, 30:27, 30:27) есебімен жеңіске жетті.
Осы арқылы біздің боксшы медальдар үлесі жүргізілетін шеңберге жетті.
Әділбек енді 17 тамыз күні сағат 03:30-да ұлыбританиялық Джошуа Буатсимен жартылай финалдық кездесуге шығады.
Тегі ганалық Буатси – өте күшті. Ол 1/8 финалда өзбек Элшод Расуловты үш рет ұрып құлатып, соңғысында нокаутқа жіберген. Ал 1/4 финалда алжирлік Абделхафид Бенчлабаны екі рет нокдаунға түсіріп, айқын басымдылықпен ұтты.
Дастан КЕНЖАЛИН
Фото: facebook.com