Қарағанды облысындағы Ақтоғай ауданында табиғатты қорғау полициясының қызметкерлері мен «Охотзоопром» мекемесінің инспекторлары бірігіп жүргізген рейд барысында заңсыз аң-құс атқан браконьерлер ұсталды.
Сарытерек селолық округіндегі Кенелі қыстағының маңында қолға түскен бұл бес браконьер Балқаш қаласының тұрғындары болып шықты. Тексеру барысында олардың автокөліктерінен оққа ұшқан 47 құр, арқардың лағы және аңшы мылтығы табылды.
Қазіргі уақытта күдіктілерге қатысты сотқа дейінгі тергеу амалдары жүргізілуде.
Қайрат ӘБІЛДИНОВ,
«Егемен Қазақстан»
Қарағанды облысы,
Ақтоғай ауданы