Бүгін, 27 қазанда елордада Newenergy global startup fest халықаралық байқауы өтеді, деп хабарлайды egemen.kz "Хабар 24" - ке сілтеме жасап. Шараға қатысуға 45 елден 800-ден астам өтініш түскен. Алайда, 7 сарапшы олардың ішінен 100 стартап-команданы таңдап алды. Енді олар өзара мықтыны анықтау үшін «жасыл» экономика мен баламалы энергетика саласындағы жобаларын таныстырады. Сайыс қорытындысы бойынша үздік 5 жоба іріктеледі. Ұйымдастырушылардың айтуынша, инвесторлар жас өнертапқыштардың жобасын қаржыландыруға ниет білдірген. Айта кетейік, халықаралық байқауға елімізден 5 стартап команда қатысады. "Қазақстаннан, шетелден инвесторлар келеді. Шетелден 30 инвестор келеді. Сол кісілер өздеріне ұнаған жобаларды таңдап алып, сол жобаларға инвестиция құяды деген ойдамын", - дейді «Мұнай және газ ақпараттық талдау орталығы» АҚ бас директорының м.а. Асқар Мұнара.