Кипрлік АПОЭЛ Еуропа Лигасының тағы бір кездесуіне бірнеше күн қалғанда Астанадағы ауа райының қатты суып кеткеніне алаңдаулы, деп хабарлады Sports.kz Kerkida.net порталына сілтеме жасап.
«Қазақстандық футболшылар "Астана Аренада" −27 градуста жаттығу жүргізді. Бұл таң қаларлық жағдай! Олар өз алаңдарында не себепті жеңілмейтіндері түсінікті болды", - деп жазды портал.
Дүйсенбі күні АПОЭЛ Никосияда жаттығу жасап, сейсенбі күні таңертең Қазақстанға ұшады. Команданың ресми сайтының хабарлауынша, Астанаға олар жергілікті уақытпен сағат 17:40 кезінде келеді.
"Астана" - АПОЭЛ матчы 24 қараша сағат 22:00-де болады.