Орта салмақта WBA (Super), IBO, WBC және IBF нұсқалары бойынша әлем чемпионы Геннадий Головкин мен WBA (Regular) белбеуінің иегері Дэнниэл Джейкобс (32-1, 29 КО) арасындағы бокс кешінде кімдердің жұдырықтасатыны толығымен белгілі болды.
Бұл күні 35 жастағы америкалық Мэтт МакКиней (3-2-2, 1 KO) 19 жастағы британиялық Джей МакФарлейнмен (2-0, 2 КО) жұдырықтасса, 21 жастағы украиналық Сергей Богачук (2-0, 2 КО) 28 жастағы Ясмани Педросомен (1-1, 1 КО) күш сынасады.
Бұған дейін Головкин-Джейкобс жекпе-жегінің андеркартында орта салмақта WBO чемпионы Энди Ли (34-3-1, 24 KO) мен америкалық Кеандре Лезервуд (19-3-1, 12 КО) қолғап түйістіретіні белгілі болған.
Сонымен қатар, осы күні мына жекпе-жектер өтеді:
Роман Гонсалес (Никарагуа, 46-0, 38 КО) – Висаксил Вангек (Тайланд, 41-4-1, 38 КО);
Карлос Куадрас (Мексика, 35-1-1, 27 КО) – Давид Кармона (Мексика, 20-3-5, 8 КО);
Райан Мартин (АҚШ, 17-0, 10 KO) – Брайант Круз (АҚШ, 17-1, 8 KO)
Айта кетейік, бұл кеш 18 наурыз күні Нью-Йорктегі Madison Square Garden аренасында өтеді. Бұл жекпе-жекті елімізде «Қазақстан» және «KazSport» телеарналары тікелей эфирде көрсетеді.