Бүгін Үкімет үйінде Қазақстан Премьер-Министрі Бақытжан Сағынтаев ҚР Президенті Н.Назарбаевтың Астана қаласының әлеуметтік-экономикалық дамуы мәселелері және халықаралық «Астана ЭКСПО-2017» мамандандырылған көрмесіне дайындық барысы бойынша тапсырмаларды іске асыру жөнінде кеңес өткізді. Бұл туралы primeminister.kz хабарлады.
Кеңес барысында Мемлекет басшысы «ЭКСПО-2017» аралау кезінде өз сөзінде айтып өткендей, Астана қаласын еліміздегі цифрлық технологияларды енгізуге арналған негізгі алаң ретінде дамыту мәселелері талқыланды.
Осыған байланысты ҚР Премьер-Министрі Б.Сағынтаев елорда әкімдігіне ғана емес, барлық мемлекеттік органдарға елорданың көлік инфрақұрылымын, тұрғын үй секторын, қала басқармасының барлық салаларында заманауи цифрлық технологияларды енгізуді ауқымды дамыту бойынша бірқатар тапсырмалар берді.