Корея басшысы Қазақстанға келеді

Дәстүрлі апталық брифинг өтіп, онда Сыртқы істер министр­лі­гінің ресми өкілі А.Абдрахманов 24–25 тамызда Елбасы Нұрсұлтан Назарбаевтың шақыруымен Корея Республикасының Президенті Ли Мён Бактың Қазақстанға ресми сапармен келетінін айтты. Қазақстан мен Корея бас­шы­ла­рының келіссөздерінің со­ңын­да екіжақты ынтымақ­тас­тықтың басым салаларында бірқатар құ­жаттарға қол қой­ылады деп күті­лу­де. Сондай-ақ сапар аясында Астанада Қа­зақстан – Оңтүстік Корея биз­нес-форумы өтеді, деді ресми өкіл. Қос тарап көпжақты және екі­жақты қарым-қатынас­тар­дың күн тәртібіндегі, әсіресе, эко­но­ми­ка­дағы, өзекті мәсе­ле­лер бой­ынша ұстаным­да­рын жоға­ры деңгейде келістіруге мүм­кін­дік алады. Ли Мён Бактың Қа­зақстанға ал­дағы ресми сапары екіжақты стра­те­гиялық ынты­мақ­тас­тық­ты ны­ғай­туда ма­ңыз­ды белес болмақ. «Егемен-ақпарат».