Біз осы қай елміз?

Осы мәселені жыл сайын жан­айқаймен жазамыз. Айта­мыз. Алайда жөнделмей-ақ келеді. Мінекиіңіз, жаңа оқу жылы кеп тұрыпты. Тағы да мектепке баратын балалар мен ата-аналар «Біз осы қай елміз?!» деп бас қатырып жүр. Қазақша шығары­латын оқушы дәптеріне жары­май-ақ қойдық. Мәселен, Шым­кент шаһарының «Abdi» дейтін сауда орталығында Ресейдің ән­ұраны жазылған, орыс тілінде оймышталып, өрнектелген дәп­тер­лер сатылуда. Оқушы дәп­те­рінің өзге түрі жоқ болған­дық­тан, алушылар аз емес.  Үлкен сауда орталығы Бауыржан Мо­мыш­ұлы көшесінде. «Ай, ай­налайын, Баукең анау тас мүсіні түнерген тұғырдан тіріліп тұра келсе, не дер еді?!» – деп күбірлейсің. Тарих пен жағрапия пән­де­ріне арналған дәптерлер де орыс тілінде. Ресейден әкелінген. Ре­сейдің тарихы тәптіштелген. Ре­сейдің жер жағдайы жазылған. Былтыр да көп жерде сырты орысша немесе өзбекше жазыл­ған дәптерлер сатылып еді. Білім және ғылым министрлігі біле ме екен бұл жайды? Шынында да біз осы қай елміз?! Мархабат БАЙҒҰТ, Шымкент.