«Самғау» сыйлығы сарапталады

Кеше «Нұр Отан» ХДП Орталық аппаратында бас­пасөз мәслихаты өткізіліп, «Самғау» сыйлығын сарап­қа салу үшін конкурс жарияланатыны айтылды. Оны «Нұр Отан» ХДП хатшысы Ерлан Қарин ашып, жүргізіп отырды. Қоғамы­мыз­дағы мүмкіндігі шектеулі мүгедек жандардың шы­ғар­машылығын, өмірге құш­тарлығын, Отанға деген пат­риоттық сезімін ояту мақ­са­тында «Бауыржан» қайы­рым­дылық қоры «Нұр Отан» ХДП қолдауымен биыл екінші рет «Самғау» сыйлығын бәйгеге тігіп отыр, деді ол. Биылғы сыйлық Қазақстан Тәуелсіздігінің 20 жылдығы­на арналады. Одан әрі хат­шы Мемлекет басшы­сы, партия Көшбасшысы Нұр­сұлтан Назарбаевтың мүм­кіндігі шек­теулі жан­дар­ды жан-жақты қол­дау мақса­тында белгілеген тапсыр­ма­лары­на сәйкес «Нұр Отан­ның» өз тара­пы­нан өткі­зіл­ген шараларға тоқ­талып өтті. Олардың ара­сында түр­лі чемпионаттар, фес­тивальдар, конкурстар, шы­ғарма­шы­лық көрмелерді қоса есеп­тегенде, бір жылда республика бойынша 600-ден артық шара өткізілгені жеткізілді. Соның ішінде ті­рек-қозғалыс аппараттарына за­қым келген спортшы-мүгедектер арасында арбада оты­рып билеу, «шексіз мүм­кін­діктер» әлеуметтік ак­ция­сы, үстел теннисінен өткі­зіл­ген чемпионаттар, т.б. атауға болады, деді ол. Өзіне сөз берілгенде «Бау­ыржан» қайырымдылық қорының төрайымы Жұлдыз Омарбекова биылғы «Сам­ғау» сыйлығы «спорттағы же­тістіктер», «әдебиет сала­сын­дағы шығармашылық», «белсенді қоғамдық қыз­мет», «бейнелеу өнері сала­сын­дағы жетістік», «үздік орындаушылығы үшін», «қол­данбалы өнер саласындағы жетістігі үшін», «балалар шығарма­шы­лығы» атты ал­ты номинация бойынша өткізілетінін айтты. Бірінші орынға берілетін сыйлық мөлшері 500 мың теңге екен, конкурсқа қа­тысу үшін берілетін өті­ніш 25 қарашаға дейін қа­был­данады. Қазірдің өзінде жүздеген өтініштер түсіп жатыр, деді ол. Жеңімпаздарды салтанат­ты марапаттау 3 желтоқ­сан­да болатын Халықаралық мү­гедектер күнінде Тәуел­сіз­діктің 20 жылдығы қарса­ңын­да Алматы қаласында бо­латыны айтылды. Жақсыбай САМРАТ.