Соңғы екі айда біздің арулар бес рет жасыл алаңға шығып, сол кездесулердің екеуін ұтып, екеуінде ұтылып және тағы бір мәрте тең ойнады. Тарқатып айтсақ, Түркіменстан (6:0) мен Үндістаннан (0:0. пенальтиден 4:3) айламызды асырдық. Францияның қосалқы құрамасы (0:3) және Солтүстік Ирландияға (0:4) есе жібердік. Ал Иорданиямен (1:1) тең тарқастық. Осы нәтижелердің арқасында қазіргі кезде Қазақстан құрамасы ФИФА рейтингінде 72 орынға тұрақтады. Жерлестеріміздің жиған ұпайы – 1349.
Ал «ТОП-10» ұлттық құрамалар санатына мына командалар енді:
1. АҚШ – 2101
2. Германия – 2072
3. Англия – 2049
4. Франция – 2043
5. Канада – 2006
6. Австралия – 2003
7. Жапония – 1991
8. Голландия – 1967
9. Швеция – 1962
10. Бразилия – 1944
Ғалым СҮЛЕЙМЕН,
«Egemen Qazaqstan»