- Бүгін біз Ұлы Отан соғысы ардагері Еңсегенов Кеңесбай атамызға гүл шоқтарын алып, арнайы жеңіс күніне деп «Жеңіс үшін рахмет!» деп аталатын кәдесыйымызды табыстадық. Бұл кісілерге сый-сияпаттан бұрын ықылас пен жылы ниет, аман-саулық сұрасқанның өзі бір ғанибет, - деді Ерлан Қалиев. Бейбіт өмір жолында күрескен ардагерлердің саны жыл өткен сайын азайып барады. Жаңаөзендік ҚХА өкілі ардагердің қал-жағдайымен тек мерекеде ғана емес, былай күндері де барып біліп, әңгіме-дүкен құруды әдетке айналдырған. Ал, бүгінгі кездесу ерекше болды. Дәрігерлер ардагердің қан қысымын өлшеп, оған дәрілер мен дәрумендерді сыйға тартты. Сонымен қатар, ҰОС ардагеріне гүл мен азық-түлік пакеті тапсырылды. Берлинге дейін барып, бірнеше орденге кеудесі толған Кеңесбай Еңсегенов жастарға өзінің аталық ақ батасын берді.
Маңғыстау облысы