Ауыл ахуалы – әкімдер жұмысының көрсеткіші

Осы орайда Түркістан облы­сын­­да­ғы аудан, қалаларға алдағы үш жылда 1 млрд теңге көлемінде қаржы бө­лінбек. Бұл қаражатты дұрыс ба­ғыт­та жұмсап, игерген ауданға ке­йін­­гі жылы 2 млрд теңге берілсе, ал игере алмаған аудан­дардың қара­жа­­ты керісінше қыс­қа­­рып отырады. Аудан әкімдерінің жұ­мысын баға­лауға да бұл бастама сеп­тігін тигі­зе­тін болады. 

Ал қаражат халыққа пайдасы тие­­тін, нәтижесі көзге көрінетін, жыл­­дар бойы шешімін таппаған мәсе­­­ле­лерді шешуге жұмсалуы тиіс. «Ел­басы Н.Назарбаевтың «Ауыл – ел бесігі» жобасына сай, әр аудан­нан үлгілі ауыл жасауымыз керек. Атал­­ған жұмыстар биылдың өзінде аудан, ауыл тұрғындарының өмі­рін жақ­сартуға мүмкіндік бере­ді», – деді облыс әкімі Өмірзақ Шөкеев облыс­тық мәслихаттың кезекті сессия­сын­да. Түркістан қала­сын, аудан және ауылдарды да­мыту, облыстың мәдени-рухани саласын жаңғырту, агроөнеркәсіп кешені мен индустриялық аймақ­тар­­ды көтеру – алдағы жылдары өңір үшін басымдыққа ие негізгі ба­ғыт болмақ. Жүйелі нәти­же бе­ре­­тін, өзекті мәселелерді шешуге бағытталған міндеттерді ай­қын­­даған облыс әкімдігі атқа­ры­­латын нақты жұмыстарды да жос­парлап қойыпты. Бұл орайда өңір­дегі 9 индустриялық аймаққа талдау жүргізіліп, олар­дың арасында нашар немесе мүлдем жұмыс істемейтіндері анық­тал­ған. Сөйтіп жұмысы тұра­ла­ған аймақ­тардың орнына машина құ­рас­тыру, азық-түлік өндірісі мен жеңіл өнеркәсіп, құрылыс ин­дустриясы секілді бағыт­та бел­сен­ді серпін беретін Кентау, Түр­кістан қаласы мен Ордабасы ауда­нын­дағы индустриялық аймақ­тар­­ға басымдық берілмек. Негізгі қаржы да осы жоба­ларға салынатын болады. Мәсе­лен, Кентаудағы индус­триялық аймақтың көлемі 300 гек­тар­ға ұлғайтылады. Индус­трия­л­ық аймақты арзан энерге­­тикалық қор­мен қамтамасыз ету үшін Кен­тау қаласындағы жылу электр орта­лығы қайта құрылып, газбен қам­ту инфрақұрылымын жүр­гізу жос­парлануда. Әрине өңір эконо­ми­касының басты драйвері саналатын ауыл шаруашылығы саласы да ерекше назарға алынады. Бүгінде облыс­та ауыл шаруашылығына арнал­­ған 6,7 млн гектар жер бар, оның 5,6 млн гектары жайылымдық жер. Ал 518 мың жер телімі, яғни 425 мың гектар суармалы. Облыс әкі­мі­н­ің айтуынша, қосымша 250 мың гектар жерді суармалы жер қатарына қосу қажет. Себебі суармалы жерден түсетін кірістер 3-4 есе жоғары болады. Аталған жерді айналымға енгізу арқылы облыс­тың 20 мың тұрғынын жұмыс­пен қамту көзделуде. Сондай-ақ об­лыс бюджетінің кіріс бөлігі екі есе ұлғайтылмақ. «Облыс тек 53 млрд теңге ғана кіріс табуда. Ме­нің ойым­ша, облыс кірісін 100 млрд теңгеге дейін, яғни 2 есеге ұл­­ғайтуға қабіле­тіміз жетеді. Сон­дық­тан да бюджет­тің кіріс бөлігін ұлғайту жө­нін­­дегі жұмысты жоспарлы түрде жүр­гізу керек. Сон­дай-ақ респуб­ли­ка­лық бюджет қара­жаты қаралған облыстың кешен­ді даму жоспарын қайтадан дұ­рыс­тап қарау қажет», деді Ө. Шөкеев.

Өңірді дамытудағы басымдыққа ие бірінші негізгі бағыт бойынша Түр­кістан қаласы облыс орталығы ғана емес, түркітілдес елдердің рухани орталығына айналуы тиіс. Бұл орайда қаладағы әкімшілік-іскерлік орталығын және рухани-мәдени нысандардың құрылысын уақтылы әрі сапалы жүргізу міндеті тұр. Жалпы, облыс орталығында 89 нысанның құрылыс жұмыстары жүргі­зіледі. Түркістанның ескі ша­ғын аудандарындағы үлкен 5 көше күр­делі, 27 көше орта жөндеуді қажет етеді, 62 шақырым жол рет­те­леді. Сонымен бірге орталық көше­лердің жан-жағын абаттандыру, шамамен 42 шақырым көшеге жарық­тан­дыру, тротуар салу жұмыстары жүр­гізіледі. Қала­ның ортасынан «Батыс Еуропа – Батыс Қытай» магистралы өтетіні ескеріле отырып, сауда саласын да­мыту, туристерді көп­теп тарту мақсатында заманауи сауда ке­ше­ні ашылмақ. Бірегей қол­өнер бұйымдарын, ұлттық бұйым­дар­ды даярлайтын, технологиясын оқы­татын ірі қолөнер орталығын салу да көзделіп отыр.

Түркістан облысы