Жедел-іздестіру іс-шарасы барысында облыстық Полиция департаментінің қызметкерлері Экономикалық тергеу департаментімен бірлесе Ақтау қаласы маңындағы өндірістік аймақтан сәйкес құжаттарсыз контрабандалық темекінің ірі партиясын анықтады.
Темекілер қорапқа салынған және 40 тонналық 7 контейнерге жүктелген. Қазіргі таңда аталған дерек Полиция департаментінде сотқа дейінгі тергеудің бірыңғай тізіліміне ҚР ҚК-нің 286-бабы 1-бөлігімен тіркелді. Маңғыстау облыстық Полиция департаменті баспасөз қызметінің хабарлауынша, тергеу амалдары жүргізілуде.