Кәсіпқой бокстың бірінші орта салмағында жұдырықтасатын қазақстандық боксшы Батыр Жүкембаев (16-0, 13 КО) 26 қыркүйекте шаршы алаңға оралады.
Канаданың Монреаль қаласында өтетін бокс кешінде отандасымыз 32 жастағы мексикалық Мигель Васкеспен (41-8, 15 КО) айқасады. Васкес 2010-2014 жылдар аралығында жеңіл салмақтағы IBF тұжырымының әлем чемпионы атанған.
Сонымен қатар бұл бокс кешінде Жүкембаевтан бөлек, бірінші орта салмақтағы қандасымыз Садриддин Ахмедов (9-0, 8 КО), екінші орта самақта жұдырықтасатын Нұрзат Сабыров (10-0, 9 КО) және орта салмақтағы Аман Қазанғапов (0-0-1) өздерінің рейтингтік жекпе-жектерін өткізеді.