Абай Құнанбайұлының 175 жылдығына орай Президент Қасым-Жомарт Тоқаев қолдаған эстафетаны «Кабар» қырғыз ұлттық ақпарат агенттігі «ҚазАқпарат» халықаралық ақпарат агенттігінен қабылдап алып, эстафетаны «ЭлТР» телерадиокомпаниясына, Алыкул Осмонов атындағы ұлттық кітапханаға және Ұлттық ғылым академиясының Ш. Айтматов атындагы Тіл және әдебиет институтына жолдады. Бұл туралы Қырғызстанның «Кабар» ұлттық ақпарат агенттігі хабарлады.
Қырғызстанның ұлттық ақпарат агенттігінің тілшілері Абай Құнанбаевтың «Ғылым таппай мақтанба» өлеңін жатқа оқыды.