Теннистен қыздар арасында Қазақстанның бірінші ракеткасы Юлия Путинцева АҚШ-тың Нью-Йорк қаласында өтіп жатқан US Open (АҚШ ашық біріншілігі) турнирінің жұптық бәсекесінде үшінші кезеңге жолдама алды.
Отандасымыз жұптасып өнер көрсетуде 20 жастағы ресейлік Анна Калинскаямен бірге сынға түсуде. Турнирдің екінші кезеңінде Путинцева мен Калинская дуэті (Қытай) – Алиция Росольска (Польша) жұбымен кездесіп, үш сетке созылған бәсекеде 6:2, 5:7, 6:3 нәтижесімен басым түсті. US Open жарысының ширек финалына шығу үшін Путинцева мен Калинская турнирдің ең мықты жұбы және бірінші ракеткасы саналатын Тимея Бабош (Венгрия) және Кристина Младеновичпен (Франция) күш сынасады.
Еске сала кетейік, US Open турнирінде қазақстандық теннисшілерден Юлия Путинцева ғана қалды. Оның өзі тек жұптық бәсекеде сынға түседі. Қалған теннисшілердің бәрі үшінші кезеңге жетпей сүрінді.