Кеше Еуропа және Азия елдері Парламенттері спикерлерінің отырысы өтті. Енді осы мәселе бойынша пікір бөліскім келеді.
Кеңестің күн тәртібі аса маңызды әрі мазмұнды болды.
Еркін, мүдделі және тиімді көптарапты үнқатысу өрістеді.
Онда, әрине Парламенттің әрбір басшысы өз пікірінде елінің ұлттық мүдделерін негізге алды. Дегенмен форумның рухы мен ахуалы бізді нәтижелі үнқатысу ниетіне жеткізіп, бізді бөлмей, біріктіретін тақырыпты табуға, өзара түсіністік нүктелерін іздестіруге тырысты.
Ресей, Оңтүстік Корея, Түркия, енді Қазақстан Еуропа мен Азия елдері ынтымақтастығының маңызды мәселелерін талқылау үшін тиімді алаңға айналды.
Саммит барлық әріптестерге біркелкі және бейресми сенімді қарым-қатынас жасауға мүмкіндік берді. Бұл жерде Еуразия жүрегіндегі саяси алаңдағы кездесулерде достық рухы қанат жайып, шынайылық пен қуаныш орнады.
Осы күндері мен жиырмадан астам екіжақты кездесулер өткіздім. Өткен кездесулер өте маңызды – олар парламенттер басшылары арасындағы сенімді қатынастарды дамытады. Өйткені тең құқықты үнқатысуларда адамдарды толғандыратын мәселелерді шешуге бағытталған жаңа идеялар мен бірлескен жобалар туады.
Осының бәрі Еуразия елдері арасындағы сенім мен өзара түсіністіктің нығаюына, бейбітшілік пен өзара тиімді ынтымақтастықтың мүдделеріне жұмыс істейді.
Менің ойымша, 25 жыл бұрын біздің еліміздің Тұңғыш Президенті Нұрсұлтан Назарбаев айтқан идеялар қазіргі кезде әлі де маңызды әрі дамып келеді, көп жағдайда Еуразия кеңістігіндегі интеграциялық үдерістерді айқындады және құрлықтың қазіргі заманғы қалыптасқан геосаяси келбеті мен интеграциялық экономикалық бастамаларға серпін берді. Ол туралы көпшілік менімен келіседі деп ойлаймын.
Еуразиялық идея, Назарбаевтың еуразиялық идеологиясы Еуропа мен Азия елдері саясаткерлерінің көптеген буынын ХХІ ғасырдағы жаңа сападағы интеграцияға шақырып отыр.
Үлкен Еуразияның кейінгі онжылдықтағы сипаты қалай болатыны біздің көз алдымызда тұр.Мен бұл идеяға нық сенемін.
Ол оптимизмге толы оң идея. Ол барлық салаларда ерекше сенім мен ынтымақтастық кеңістігін қалыптастырады, Еуразия кеңістігіндегі бейбітшілікке және оның халықтарының өркендеуіне ықпал ететін болады.
Біздің құрлықтың барлық саналы тұрғындарының арманы да осы деп білемін.
Үлкен Еуразия идеясы өмірдің өзі сияқты мәңгілік және табиғи болып отыр.
Идея шындыққа айналуы үшін ауқымды әрі тынымсыз жұмыс қажет. Өткен форум бұл мүмкін екенін көрсетті, яғни солай болады.
Дариға НАЗАРБАЕВА,Қазақстан Республикасы Парламенті Сенатының Төрағасы