Бірінші жартыжылдықта Қарағанды облысында өнеркәсіп өндірісінің көлемі 672,5 миллиард теңгені құрады. Аймақтағы «Арселор Миттал Теміртау» АҚ пен «Қазақмыс» корпорациясы» ЖШС сияқты екі ірі өндіріс ошағының жұмысындағы қиындықтарға қарамастан, жыл басынан бері жалпыэкономикалық көрсеткіш қалыпты деңгейде сақталуы байқалады. Алты айда негізгі капиталға 175 млрд. теңге инвестиция салынып, былтырғы осы мерзіммен салыстырғанда 1,5 есеге артты. Сыртқы сауда айналымы – 5, ал экспорт 8,5 пайызға өсті. Соның ішінде шикізаттық емес экспорт 89-дан 95 пайызға дейін көтерілді.
Орта және шағын бизнестің екпінді дамуы бөлшек тауар айналымын 7,6 пайызға ұлғайтты. 3 мың жаңа жұмыс орны ашылып, жұмыссыздық деңгейі біршама төмендеді. Облыстық бюджет түсімі 112,9 млрд. теңге болды.
Айқын НЕСІПБАЙ,
«Егемен Қазақстан».
Қарағанды облысы.