Түркістан облысы бойынша өткен жылы негізгі капиталға салынған инвестиция көлемі 441 млрд 214 млн теңге болып, алдыңғы жылмен салыстырғанда 38,5%-ға артқан.
Инвестиция салымдарының басым бөлігі өнеркәсіп және жылжымайтын мүлік салаларына тиесілі. Негізгі инвестициялық салымдардың 85,3%-ын (376 млрд 207 млн теңгені) шағын кәсіпорындар жүзеге асырған.
Өңірлік коммуникациялар қызметінде өткен брифингте осындай деректерді келтірген облыстық статистика департаментінің басшысы Айдар Әбілдабеков былтыр өнеркәсіп өндірісінің көлемі — 498 млрд 347 млн теңге болып, алдыңғы жылдың сәйкес кезеңімен салыстырғанда 5,3%-ға артқанын атап өтті.
Тиісінше республикадағы облыстың өнеркәсіп өнім көлеміндегі үлесі —1,7%. Ал ауыл, орман және балық шаруашылығы өнімдерінің жалпы көлемі өткен жылы 629 млрд 816,2 млн теңге болған, яғни 2018 жылмен салыстырғанда 4,7%-ға артқан. Ауыл шаруашылығы өнімдерінің жалпы үлесі бойынша облыс республикада 3-ші орынды иемденді.