Қазақстандық боксшы Қанат Ислам (27-0, 21 КО) Дүниежүзілік бокс ұйымының (WBO) жаңартылған рейтингінде бір сатыға жоғарылады. Бұл туралы Sports.kz хабарлады.
Рангтер туралы кестенің жаңа шығарылымында жартылай орта салмақтағы WBO International атағының иегері мексикалық Хайме Мунгиядан (35-0, 28 КО) және британдық Лиам Уильямстен (22-2-1, 17 КО) кейін үшінші орынға тұрақтады. Орта салмақта WBO тұжырымы бойынша әлем чемпионы атағын АҚШ өкілі Деметриус Андраде (29-0, 18 КО) жеңіп алды.
Еске сала кетейік, Қанат Ислам бүгінге дейін өзінің соңғы айқасын 26 қазанда Алматы қаласында намибиялық Уолтер Каутондоквуға қарсы өткізген болатын. Онда ол төрешілердің бірауызды шешімімен жеңіске жетті.