Түркістан облысы Қазығұрт ауданының Тұрбат елді мекенінде «Үміт» шаруа қожалығы он бес жылдан бері гүл өсірумен айналысады.
Қожалық иелігіндегі жер көлемі - 4,5 гектар, оның ішінде 40 соттық жылыжайға – раушан гүлі, 10 соттыққа – қалампыр гүлі өсіріледі. Бес адам тұрақты жұмыспен қамтылған.
Ал қазіргідей маусым кезінде 15 ауыл азаматы жұмысқа тартылады, орташа айлық жалақылары - 60 мың теңге. Өткен жылы 10 мың дана қалампыр, 40 мың дана раушан гүлі жиналған. Қожалық төрағасы Рустем Ибрагимов биылғы маусымда да өнім аз болмайтынын айтады. Айта кетелік, Тұрбат ауылында көлемі - 55,3 гектар жылыжай бар. Ал аудан көлемінде өткен жылы 156,01 гактар жылыжайлардан 39,8 мың тонна - көкөніс, 100 тонна - лимон, 840 мың дана - гүл өнімдері жиналған.
Түркістан облысы