Бүгін Қазақстан Республикасының Украинадағы Елшісі Дархан Кәлетаев Украина Сыртқы істер министрінің орынбасары Е.Божокқа сенім грамоталарының көшірмесін тапсырды. Бұл туралы ҚазАқпарат хабарлады.
«Тараптар кездесу барысында қазақстандық-украиналық қатынастардың қазіргі жағдайы мен оны одан арғы даму келешектерін талқылады. Сауда-экономикалық және мәдени-гуманитарлық ынтымақтастықты жандандыруға, сондай-ақ, халықаралық ұйымдар аясындағы нәтижелі өзара іс-қимылға екіжақты қызығушылық атап өтілді», делінген хабарламада.