Алматыда тағы екі пациент Covid-19-дан сауығып шықты. Бұл 1978 жылы туған ер адам және 23 жастағы қыз. Ер адам 23 наурызда Шарм-әл-Шейх қаласынан (Мысыр) ұшып келген, қыз Цюрих қаласынан (Швейцария) Ыстамбұл арқылы чартерлік рейспен (Түркия) 17 наурызда ұшып келген.
«Олардың ауруы жеңіл өтті. Қазір олар 14 күндік үй карантиніне шығарылды», – деді Алматы қаласы Қоғамдық денсаулық басқармасының басшысы Тілеухан Әбілдаев.
Бүгін Алматыда сауыққан пациенттер саны 28 адамға жетті.