Бүгін Қарағанды облысында коронавирус инфекциясын жұқтырған тағы екі адам арнайы бокстарға оқшауландырылды. Науқастар Теміртау қаласының тұрғындары. Бұрын осы індетті жұқтырғандармен байланыста болғандықтан, олар карантиндік госпитальға жатқызылған екен.
Сондай-ақ бүгін облыста екі науқастың коронавирустан жазылып шыққаны белгілі болды.
Бүгінгі күні облыста COVID-19 инфекциясын жұқтырудың 101 оқиғасы тіркелген. Оның ішінде бір адам қайтыс болды және 15 науқас сауығып кетті.
Қазіргі уақытта үй карантинінде 2 436 адам отыр.