Бұл туралы Денсаулық сақтау вице-министрі Олжас Әбішев Денсаулық сақтау министрлігінің медиаорталығында өткен онлайн брифингте айтты.
- Біз қазір жаңа жобаны іске қосқалы жатырмыз. Ол әзірге техникалық тексерістен өтіп жатыр. Жобаның ең тиімді тұсы - азамат емханаға бармай, өз смартфонынан, планшет немесе ноутбуктан өзі тіркелген емханадағы дәрігерден тегін кеңес алатын болады. Бұл бағдарлама 100 пайыз Қазақстанда жасалған. Қазақстандық серверлер мен бағдарламаларға негізделген, - деді Олжас Әбішев.