Қостанайда қоғамдық көліктерге валидатор орнатылып, жолаушыар жол жүру ақысын электронды түрде төлейтін болады. Бұл туралы облыс әкімдігінде өткен жиында айтылды, - деп хабарлайды Egemen.kz.
- Қазір қала әкімдігі мен алматылық Alempay ЖШС және тасымалдаушылар арасында үш тарапты келісім-шарт жасау шаралары жүзеге асып жатыр. Биыл желтоқсан айында қала ішінде жүретін автобустарда жол ақы төлемін толықтай электронды жүйеге ауыстыру жоспарланып отыр, - деді Қостанай қаласының әкімі Қайрат Ахметов.
Алдағы жылдан бастап жол пұлын электронды түрде төлейтін жолаушылар үшін жол ақысы қазіргідей 80 теңге болып қала бермек. Ал қолма-қол есептескісі келген адамдардан 150 теңге талап етілетін болады. Мамандардың айтуынша, тариф әлі де өзгеруі мүмкін, әзірге талқылау жұмыстары жүріп жатыр.
Қостанай облысы