"Еуразиялық экономикалық одақ (ЕАЭО) тұқым шаруашылығы және мал шаруашылығы туралы заңнаманы ғылыми негізде біріктіріп бірдей етуде" деп хабарлайды Egemen.kz Еуразиялық экономикалық комиссияның (ЕЭК) сайтына сілтеме жасап.
"Еуразиялық экономикалық комиссия Еуразиялық экономикалық одақ елдеріне жеміс, жидек дақылдары мен жүзімге қолданылатын өнімнің сұрыптық қасиеттерін анықтау әдістерін біріктіруге, сондай-ақ мал шаруашылығындағы селекциялық жетістіктерді сынауға көмектесуге дайын. Осы бағыттарда ғылыми-зерттеу жұмыстарын жүргізу жоспарлануда", - деп хабарлады агроөнеркәсіптік кешендегі Консультативтік комитеттің кешегі отырысында.
Консультативтік комитеттің мүшелері әлемдік тәжірибені ескере отырып, ЕАЭО аясында жеміс-жидек дақылдарының және жүзім өніміне қолданылатын материалдарының (аналық плантациялар, питомниктер) сұрыптық (помологиялық) қасиеттерін анықтаудың ғылыми негізделген әдістерін әзірлеудің дұрыстығын құптады.
Зерттеу жұмысының нәтижелері бойынша әзірленген бірыңғай әдістер Одақтың сауда-саттығы кезінде құжаттарды өзара қабылдау үшін өнімдердің сұрыптық қасиеттерін бағалау процедуралары мен нәтижелерінің дұрыстығын қамтамасыз етеді, бұл ЕАЭО мемлекеттерінде жеміс, жидек дақылдары мен жүзім сату нарығын дамытуға ықпал етеді.
Мал өсіру мәселелерін талқылау кезінде ЕАЭО елдері үшін ауыл шаруашылық малдарының жаңа тұқымдарын, түрлерін, сұрыптарын бағалаудың бірыңғай әдістемесі жасалады, оның ішін дежылқы, түйе, ірі қара мал мен шошқа, ұсақ малдар, құс, аң терісі, балықтар, аралардың түрін анықтау және ауруларға төзімділігін білу тәсілдері жасалады.
Сондай-ақ, осы тақырыптағы зерттеулер ЕАЭО аясында ауылшаруашылық малдары мен селекциялық-асылдандыру жұмыстарын біріздендіруге бағытталған шаралар туралы келісім жасалды және одаққа мүше мемлекеттерде ауылшаруашылық малдардың жаңа түрлерін тұқымдарын апробациялау тәртібін іске асыру үшін қажет екендігі атап өтілді. Аталған жұмыс 2021 - 2022 жылдары аяқталады деп күтілуде.
Заманауи халықаралық тәсілдерді ескере отырып әзірленген тиісті әдісті одақ елдерінің уәкілетті органдары мал шаруашылығындағы селекциялық жетістіктерді сынау кезінде қолданады, бұл осы саладағы жұмысты біріктіріп, олардың ЕАЭО-да танылуын қамтамасыз етеді, деп атап өтті баспасөз қызметі.