Тараз қаласындағы банкоматтардың бірінен 16 миллион теңге қолды болды. Тәртіп сақшыларына шағымданған екінші деңгейдегі бір банктің әкімшілігі «Жансая» шағын ауданындағы банкоматтағы ақшадан 1 миллион теңге жетпейтінін жазған.
Тараз қаласындағы банкоматтардың бірінен 16 миллион теңге қолды болды. Тәртіп сақшыларына шағымданған екінші деңгейдегі бір банктің әкімшілігі «Жансая» шағын ауданындағы банкоматтағы ақшадан 1 миллион теңге жетпейтінін жазған.
Жедел іздестіру іс-шараларының нәтижесінде ішкі істер органының қызметкерлері 37 жастағы Тараз тұрғынын ұстады. Ол банкоматтардың қызметін қадағалайтын техник болып істегендіктен оның қыр-сырын жақсы білетін болып шықты. Ал тексере келгенде ол «банкомат ұрлығына» тамыз айынан бастап кіріскені анықталды. Банк шығыны – 16 миллион теңге.
Баукеспенің айтуынша, ол ұрлаған ақшаның бәрін құмар ойындарына жаратқан-мыс. Бүгінгі күнге дейін өзінде бар болғаны 3 миллион теңге мен 1000 АҚШ доллары қалыпты. Күдікті қамаққа алынып, үстінен қылмыстық іс қозғалды.
Көсемәлі СӘТТІБАЙҰЛЫ,
«Егемен Қазақстан».
ТАРАЗ.