Қызылордада тұрғындарға медицина қызметкерлерінің біліктілігін арттыру курстарын аяқтағандығы туралы жалған сертификат сатқан алаяқ ұсталды. Облыс полицейлерінің жедел-іздестурі шаралары арқасында қолға түскен ол Шиелі ауданының 36 жастағы тұрғыны болып шықты, - деп хабарлайды Egemen.kz.
Қазір оның осындай желеумен 6 тұрғынға жалған сертификат бергені анықталып отыр. Алаяқтың бұл әрекетінен жәбірленушілерге 200 мың шамасында материалдық залал келтірілген.
Күдіктіге қатысты «ешқайда кетпеу және тиісті мінез-құлық туралы қолхат» түріндегі бұлтартпау шарасы қолданылды.
Аталған деректер бойынша Қазақстан Республикасы Қылмыстық кодексінің 190-бабының 3-бөлігінің 4-тармағына сәйкес сотқа дейінгі тергеп–тексеру амалдары жүргізілуде.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.