Халықаралық спорттық құзға өрмелеу федерациясы (IFSC) әлем кубогінің екі кезеңін өткізбеу туралы шешім шығарды. Бұл туралы Ұлттық Олимпиада комитеті хабарлайды, - деп жазады Egemen.kz
Пандемия салдарынан Оңтүстік Корея мен АҚШ-та жоспарланған әлем кубогінің кезеңдері өтпейтін болды. Сеулдегі дода 8-10 мамыр күндері, ал Солт-Лейк-Ситидегі жарыс 12-14 маусым күндеріне жоспарланған болатын. COVID-19 пандемиясына байланысты IFSC аталған қос жарысты кейінге шегерген еді.