Қазақстандық Юлия Путинцева Рим WTA турнирінің екінші айналымына шықты.
Әлемнің 30-шы ракеткасы Ю.Путинцева бастапқы кездесуін рейтингте 49-орында тұрған швециялық Ребекка Петерсонмен өткізіп, 6:2, 6:4 есебімен жеңіске жетті. Тартысты өткен бәсеке
1 сағат 42 минутқа созылды. Ю.Путинцева екінші айналымда әлемнің 16-ншы, осы доданың 8-ракеткасы, хорватиялық Петра Мартичпен кездеседі.
Бір қызығы, Қазақстанның бірінші ракеткасы Елена Рыбакина мен Ю.Путинцева егер де қарсыластарын жеңсе, өзара кездеседі.
Е.Рыбакина екінші айналымда рейтингте 47-сатыдағы чехиялық Мария Боузковамен шеберлік байқасады.