Бүгін Мұғалімдер күні қарсаңында Білім және ғылым министрі Асхат Аймағамбетовтің қатысуымен салтанатты іс-шара өтеді. Бұл туралы БҒМ баспасөз қызметі хабарлады, - деп жазады Egemen.kz
"Мерекелік жиын барысында "Үздік педагог-2020" байқауының жеңімпаздары анықталады. Үздік педагогтер 2 778 000 теңге (1000 АЕК) көлемінде сыйақымен және төсбелгілермен марапатталады. Марапаттарды тапсыру рәсімі әр өңірде жеке ҚР Білім және ғылым министрлігі мен Орталық коммуникациялар қызметінің Facebook әлеуметтік желісіндегі парақшаларында, сондай-ақ "Хабар 24" республикалық телеарнасы арқылы Нұр-Сұлтан қаласы уақытымен сағат 11:00-де көрсетіледі", делінген хабарламада.