Құндылықтарға бай мұражай

Семейдегі облыстық тарихи-өлкетану мұражайы орналасқан ғимарат ХІХ ға­сырдың орта кезінде салынған және қала­дағы көрікті нысандардың бірі болыпты. Мұражай ретінде ашылған кезде бұл жерде көрме залы ғана болған екен. 1983 жылы ашылғанына 100 жыл толуы қарсаңында ол жаңа экспонаттармен толықтырылған. «Мұражай қазыналары» деп аталатын бөлімде самаурынның неше түрін, ескі са­ғаттарды, қытай фарфорын, музыкалық ас­паптарды тамашалауға болады.

Семейдегі облыстық тарихи-өлкетану мұражайы орналасқан ғимарат ХІХ ға­сырдың орта кезінде салынған және қала­дағы көрікті нысандардың бірі болыпты. Мұражай ретінде ашылған кезде бұл жерде көрме залы ғана болған екен. 1983 жылы ашылғанына 100 жыл толуы қарсаңында ол жаңа экспонаттармен толықтырылған. «Мұражай қазыналары» деп аталатын бөлімде самаурынның неше түрін, ескі са­ғаттарды, қытай фарфорын, музыкалық ас­паптарды тамашалауға болады.Мұнда «Алаш» қозғалысының мүшесі Темірғали Нүрекеновтен қалған ер-тоқым бар. Мұра­жайға келушілер академик Қаныш Сәт­баевтың, жазушы Сәду Машақовтың, Шә­кер Әбенов, Бибігүл Төлегенова, Күләш Сәкиеваның, Болат Сыбанов, Жәнібек Кәр­меновтің жеке дүниелері мен қолдан­ған заттарын көре алады. Сондай-ақ, Түркісіб темір жолы паравозының алғашқы макеті де осында сақтаулы. Бүгінде мұражайда 106 мың экспонат 22 тақырып бойынша іріктеліп, көрермен назарына ұсынылған.

Абай театрында өткен жиында мұражай директоры Бекен Теміровке облыс әкімі Бердібек Сапарбаевтың алғыс хаты табыс­талды.

– Қазір тарихқа оралған, өткенді парақ­­­таған уақыт, – деді Бекен Теміров, – мемле­кеттік бағдарлама аясында біздің ұжым ел игілігі үшін еңбек ететін болады. Бүгінгі асу біз үшін қимас бір белес.

– Біздің қалада мақтан етерлік дүние көп, – деді жазушы Медеу Сәрсеке. – Бұл Мұхтар Әуезов оқыған педагогикалық колледж, Абай, Достоевский мұражайлары, осы тарихи өлкетану мұражайы. Осындай рухани байлықты иелене отырып, біз оларды кейде бағалай да бермейміз.

Кеште мұражай тарихына ар­налған деректі фильм мен сурет альбо­­­мының тұсауы кесілді. Мұражай қызмет­кер­леріне қала әкімінің марапаттары табыс етілді.

Раушан НҰҒМАНБЕКОВА.

СЕМЕЙ.

Суреттерді түсірген автор.