Біздің велошабандоздар арасында ең үздік көрсеткішке Александр Власов қол жеткізді. Ол 24-орынды қанағат тұтты, деп хабарлайды Egemen.kz.
Өзге спортшыларымыздың нәтижесі одан да төмен. Ал бұл кезеңде "Team Jumbo-Visma" клубының серкесі Примож Рогличке тең келер ешкім табылмады. Словениялық саңлақ 33,7 шақырымдық қашықтықты 46 минут 39 секундта жүріп өтті.
Дәл осы спортшы жалпы есепте де көш бастап келеді. Оның көрсеткіші – 49:16:16. Екінші және үшінші орындарды Ричард Карапас ("INEOS Grenadiers") пен Хью Карти ("EF Pro Cycling") иеленуде. "Астананың" үздігі Александр Власов тоғызыншы сатыға табан тіреді.