Ақпарат және қоғамдық даму вице-министрі Кемелбек Ойшыбаев жетекші отандық БАҚ басшыларымен онлайн-форматта кездесті, деп хабарлайды Egemen.kz.
Іс-шарада бұқаралық ақпарат құралдарының сайлау заңнамасын сақтау мәселелері талқыланып, сайлау заңнамасының бұқаралық ақпарат құралдары жиі бұзатын нормалар түсіндірілді және электоралды кезеңде оларға жүктелетін жауапкершілік жөнінде айтылды.
Сонымен қатар БАҚ-та үгіт материалдарын төлеу шарттары туралы ақпаратты орналастыру талаптары мен мерзімдеріне қатысты сөз қозғалды.
Кездесу барысында сайлау заңнамасын бұзу статистикасы, сондай-ақ прокуратура органдарымен және басқа да құқық қорғау органдарымен қабылданған шаралар туралы аталып өтті.
Министрлік басшылығы Қазақстан Республикасы заңнамасының талаптарын сақтауды қамтамасыз етуге және бірлескен күш-жігермен елде ашық және әділ сайлау өткізуге ықпал етуге шақырды.