Қызылорда қаласындағы Назарбаев Зияткерлік мектебінің «Самға» би тобы Лондонда өткен халықаралық шығармашылық фестивалінде 1-орын иеленді, деп хабарлайды Egemen.kz
Қашықтан ұйымдастырылған фестивальде көптеген мемлекеттің өкілдерімен бақ сынасқан жас зияткерлер қазақ биін орындап, үздік деп танылды.
11-сынып оқушысы Баян Сарибаева жеке орындауда ерекшеленіп, Польшаның «DIGI-TALENTY. JESIEN-2020» халықаралық фестивалінде «Қыз қиялы» атты би қойылымымен бірінші дәрежелі диплом иегері атанды.
Айта кетейік, «Самға» би тобы Зияткерлік мектеп жанынан құрылған. Бүгінде ұжымның 50-ден астам белсенді мүшелері әртүрлі жанрдағы биді меңгеріп, ұлттық өнер насихатына үлестерін қосып жүр.