Сауда және интеграция министрінің бұйрығымен Азамат Асқарұлы «QazTrade «Сауда саясатын дамыту орталығы» АҚ Бас директоры болып тағайындалды, деп хабарлайды Egemen.kz
Алдыңғы ақпараттарда хабарлағанымыздай, Үкіметтің қаулысымен А.Асқарұлы Сауда және интеграция вице-министрі қызметінен босатылған еді.
Азамат Асқарұлы 1984 жылы Алматы облысында туған. 2006 жылы Әл-Фараби атындағы Қазақ ұлттық университетін, 2009 жылы «Болашақ» бағдарламасы бойынша Гарвард университетін, 2016 жылы Гонконг ғылым және технология университетін тәмамдаған.
Әр жылдары «Самұрық-Қазына Инвест» ЖШС, «Қазақстан темір жолы Экспресс» АҚ жұмыс істеді.
Сонымен бірге, Гонконг қаласындағы «KTZ Express Hong Kong» ЖШҚ басқарды. 2016-2019 жж. Премьер-Министр орынбасарының кеңесшісі болды. 2019 жылғы шілде айынан қазірге дейін Сауда және интеграция вице-министрі қызметін атқарды.