Көліктегі полиция қылмысқа «төзбейді»

Кеңесте департамент еліміздің темір жол және әуе көлігі объек­тілеріндегі жедел жағдайдың жай-күйіне тиісті бақылауды қам­тамасыз ету мақсатында ел Президенті мен Ішкі істер министрі қойған міндеттерді орындау бо­йынша тиісті іс-шаралар қабылдап жатқаны туралы айтылды.

«Жалпы, Департаменттің қыз­мет көрсету учаскесінде өткен жы­лы барлығы 1484 қылмыстық құ­қық бұзушылық, оның ішінде 742 қылмыс және 742 теріс қылық тіркелді.

Жүргізілген кешенді ұйым­дас­тыру-практикалық шаралардың нәтижесінде құқық бұзушылықтар санын 30,8%-ға, оның ішінде ауырлығы орташа санаттағы қыл­мыстардың 50,9%-ға және онша ауыр емес қылмыстарды 12%-ға төмендетуге қол жеткізілді. Сон­дай-ақ бөтеннің мүлкін ұрлау қылмысының саны 50,7%-ға және алаяқтық 13,8%-ға төмендеді. Қылмыстың жалпы ашылуы 87%-дан асты.

Департаменттің аумақтық бөліністерінің күшімен 415 есірткі қылмысы, оның ішінде 29 өткізу фактісі анықталды. Заңсыз айна­лым­нан 164 кг есірткі заты тәркі­ленді», деді Оңал Бекеев.

Департамент бастығының айтуынша, Елбасының ұсақ құқық бұзушылықтарға, тәртіпсіздіктерге «мүлдем төзбеушілік» қағидатын іске асыру мақсатында өткен жылы ауқымды профилактикалық жұ­мыстар жүргізілді. Соның нәти­жесінде түрлі құқық бұзушылықтар үшін 43569 азамат әкімшілік жа­уапкершілікке тартылды. Сондай-ақ көші-қон заңнамасын бұзғаны үшін 465 шетелдік әкімшілік жа­уапкершілікке тартылды.

Кеңес барысында ел Президенті Қ.Тоқаевтың Жолдауындағы ба­сым­дықтарды жүзеге асыруға баса назар аударылды. Бұдан соң бірқатар желілік бө­лі­ніс бас­шы­ларының есептері тың­далды.

Сонымен қатар, басқосуда кадр саясатын жетілдіру, қызметтік-жауын­герлік даярлықты нығайту, тәртіп пен заңдылық, жеке құрам ара­сында сыбайлас жемқорлық құ­қық бұзушылықтардың алдын алу мәселелері де кеңінен талқыланды.

Жедел кеңес соңында кө­лік полициясының үздік қыз­мет­керлері марапатталды.