Ең қысқа әңгіме • 11 Желтоқсан, 2024
Әлеуметтік желі: әдеп пен мәдениет
Ағам амандасу мақсатында ұсынған қолымды жөндеп алмады. Қолын немқұрайды соза салды. Теріс қарап отырып алды. Түсі суық көрінетін, бірақ іші жылы ағамның кейде өстіп қалатыны бар. Онысы – өтірік өкпелегенсігені, назданғаны, өзімсінгені. Мұны біліп тұрсам да жеңгеме қарап «тыныштық па?» дегендей иек қақтым. Жеңгем оң көзін қысып, жымия басын шұлғыды. Мұнысы «ағаңды өзің түсінесің, әлденеге ренжіп отырғанын саған өзімсініп сездіріп жатқаны, оның үстіне әлдебір әңгіме бастарда кіріспесін осындай әрекетпен әрлейтінін білесің ғой» дегені.
Пікір • 28 Қараша, 2024
Біз өз құндылықтарымызды нақтылап, екшеп, таразыға салып, тани білмесек, оларды қоғамымызды дамытуда, ұлтымыздың келешегін қамдау жолында басшылыққа алмасақ, өзіндік ұстаным, таным-түсінік, болмысымызды, ұлттық келбетімізді сақтай отырып өркениет көшіне ілесе алмаймыз. Сондықтан бізге жалпыұлттық құндылықтар жүйесін белгілеп, оны бекіту аса маңызды.
Ең қысқа әңгіме • 23 Қараша, 2024
Шымкентте тұрғанымызда өзара сәлеміміз түзу бір көрші жігіт болды, менен жасы кіші. Ол азанда жұмысына нық басып кетіп бара жатады, ал кешке көбіне үйіне мас күйде сүріне-қабына келе жатқаны. Өзі – құрылысшы. Жалпы, жайдары жігіт... Шалт қимылды. Сөзшең. Жайшылықтың өзінде, яғни ішпей-жемей-ақ еліріп, екпіндеп сөйлейді, жүрісі де жылдам. Онсызда ішінде «қызуы көтеріліп» жүретін жан спиртті ішімдік ішсе, не болады?..
Ең қысқа әңгіме • 16 Қараша, 2024
«Бар екен ғой, бар екен жақсы адамдар»
Өзім тікелей куә болған осы бір оқиға туралы кімге айтпадым десеңізші... Талайлармен өзара әңгімелесулерде тақырып ауаны жол көлік оқиғасы немесе қайырымдылық бағытына ойысса мен жұмбақтап отырған сол бір көрініс есіме түсе кетеді.
Пікір • 03 Қараша, 2024
Берқайырдан сыр тартсаңыз, бүгінгі қазақ қоғамының тыныс-тіршілігінен молынан хабардар боласыз. Оқығаны, одан түйгені көп. Өзі байқағыш. Аңғарымпаз. Сондықтан да болар, қоғамдағы барлық жетістік пен жасампаз істер, қойыртпақ пен келеңсіздік жөніндегі ақпараттар ішінде толып жүреді.
Қоғам • 02 Қараша, 2024
Шынайы бәсекелестік шыңдай түседі
«Ксерокс» майлы жілік болып тұрған кез. Осындай құрылғысы бар адам күзірлі еді. Оның қызметіне жүгінбейтін жан кемде-кем. Байың да, бағыланың да, кедейің де, кепшігің де «ксерокске» кіріптар. Сұралған құжаттарды кез келген жерде бүгінгідей смартфонмен сканерлеп «ватсап», «телеграм» қосымшалары арқылы жолдау немесе көрсете салу әлі пешенеге жазыла қоймаған.
Пікір • 01 Қараша, 2024
Қайбір жылы жазғы демалыстың он бес күнін Қаратаудың күнгей беті – Абай ауылында өткізуді жөн көрдік. Өзен бойлай орналасқан ауылда сауынды бие ұстайтындар баршылық. Солардың бірімен келісіп, саумал ішсек дегенбіз. Үй иесі жақсы қарсы алды, үлкен үйіне жайғастырды.
Өнер • 29 Қазан, 2024
Әр нотасы – туған жердің бейнесі
Қазақстандық орындаушы Sangina АҚШ-та қазақ және ағылшын тілдерінде «My Motherland» («Атамекенім») қос синглін шығарды. Елімізге арналған әсерлі композиция бүкіл әлем тыңдаушыларының жүрегінен орын алды. Музыкалық трек АҚШ пен Еуропадағы радиостансаларда шырқалып, ондаған шетелдік плейлист әнді өз таңдауларына енгізді.
Ең қысқа әңгіме • 18 Қазан, 2024
Шымкенттегі А.Байтұрсынұлы көшесі бойындағы «киоскінің» алдында кезекте тұрмын. Алдымда он шақты адам бар. Кезек жылжыр емес. Бір кезде суағар бетон арықтың ішінде қып-қызыл болып бес мың теңге жатқанын көзім шалды. Арық құрғақ. Ауада аздаған желтең бар. Көзді арбаған жарықтық бес мыңдық әлсіз желтеңмен дір-дір етеді. Ол кезде бұл банкнот теңге атаулының ішіндегі төресі еді. Он мың теңгелік шыға қоймаған.
Қоғам • 15 Қазан, 2024
Астанадағы Қазақ агротехникалық зерттеу университетінде Сәкен Сейфуллин атындағы ғылыми-зерттеу орталығы ашылды. Аталған университет ректоры, ҰҒА академигі Қанат Тіреуовтің бастамасымен орталық Гуманитарлық факультеттің Қазақ және орыс тілдері кафедрасының жанынан құрылып отыр.
