Пікір • 03 Мамыр, 2023
Ата-ананың перзент алдындағы жауапкершілігін ауқымды міндет, парыз деп түсінгеніміз жөн. Алайда осынау парыз-міндеттің түпкі мәніне жіті көңіл аударыла бермейтіндіктен көптеген ата-ананың ұрпақ тәрбиесіндегі рөлі әлсіреп кеткені жиі айтылып жүр.
Пікір • 26 Сәуір, 2023
Біздің қоғамның ішкі иірімдеріне зер сала қарасаң не жыларыңды, не күлеріңді білмей қалатын ахуал-жағдаяттар жиі кездеседі. Оның бәрін санамалап тауысу мүмкін еместей. Сол жағдайлардың дейміз бе, әлде мәселелердің дейміз бе, қайсысын алып қарасаңыз да туындау себебінің сан түрін анық көресіз.
Қазақстан • 11 Сәуір, 2023
Ішкі көші-қонды қалай реттейміз?
Біз – ішкі миграцияның реттелуіне мүдделі елміз. Бұл мәселені шешуге тәуелсіздік алғалы бері атқарушы биліктің тісі батпай келе жатқаны белгілі. Осы бағыттағы әлсіз қадамдар, егжей-тегжейлі ойластырылып қабылданбаған солқылдақ бағдарламалар ұзаққа апармады.
Пікір • 28 Наурыз, 2023
Бүгінгі қазақ қоғамында жүрекке ауыр тиер, жаныңды түршіктіріп, төбе шашыңды тік тұрғызар қылмыстың түр-түрі болып жатыр. Сондай келеңсіз, сұрықсыз оқиғаларды ести-ести оған етіміз де өліп кетті. Соңғы кездері елжірек ет жүрегіміз қатайып алғандай. Өйткені ештеңеге селт етпейтіндей болып барамыз.
Мереке • 20 Наурыз, 2023
Ұлыстың ұлы күні – Наурыз мерекесінің табиғатынан ұлттық тәрбиеге қатысты көп игілікті көруге болады. Осынау мейрамда халқымыздың әбден сұрыпталған, ғасырларды көктей өтіп бүгінге жеткен салт-дәстүрі, әдет-ғұрпы, таным-түсінігі, ұстанымы жарқырай көрініп, санада жаңғырады. Наурыз мерекесі қарсаңында Табиғат-ананы аялаудың озық үлгілеріне жататын түрлі рәсім, жөн-жоралғыларымыздан, халықтың рухын көтеріп қана қоймай, жан мен тәнді тәрбиелеуде, бойды шынықтырып, ширықтырып, ептілікке баулуда таптырмайтын ұлттық ойындарымыздан ата-бабаларымыздың шежірелі өмір жолын, ұрпақ тәрбиелеудегі амал-тәсілдерін анық көресің.
Әйел әлемі • 07 Наурыз, 2023
Қыз Жібек – сұлулық пен әсемдік нышаны
Қазақтың рухани көне мұраларының бірі – «Қыз Жібек» лиро-эпостық жырында қаймағы бұзылмаған қазақ қоғамының сипаты анық көрінеді. Жырда ел бірлігін сақтау мен туған жерді қорғау ісінің маңыздылығын негізгі ұстын ете отырып, адамгершілік, махаббат, адалдық, тазалық, сұлулық тақырыптары кеңінен қозғалған. Мұнда Қыз Жібектің бейнесі, іс-қимылы арқылы сұлулық пен әсемдіктің табиғатын жүрек көзімен көресің, қазақ қызына тән ұяңдық пен өрлікті, нәзіктік мен қайсарлықты жан дүниеңмен сезінесің.
Пікір • 02 Наурыз, 2023
Бұрынғының қариялары туралы әңгіме қозғағанда аузымыздан жаман сөз шықпайды: «Шіркін-ай, кешегінің қарттары қандай еді, әрқайсы бір-бір тұлға еді ғой!» деген сыңайдағы сөздерді айтып жатамыз. Дұрыс-ақ, оған дау жоқ, бұрынғының үлкендері кесек мінезді, кісілік келбеті келісті, көшелі келетін. Сондай үлгі аларлық үлкендердің шет жағасын көрдік те...
Туризм • 01 Наурыз, 2023
Шығындардың бір бөлігін өтейді
Қазақстанда туризм саласындағы кәсіпкерлерді мемлекеттік қолдаудың бірнеше құралы іске қосылды. Олардың ішінде, бизнестің туристік нысандарды салуға және қажетті жабдықтарды сатып алуға жұмсалған шығындарын ішінара өтеуі де бар. Бұл Мәдениет және спорт министрлігінің бастамасымен енгізілген төрт жаңа заңнамалық нормалардың арқасында жүзеге асып отыр.
Тұлға • 16 Ақпан, 2023
Қазақ поэзиясы – әдебиетіміздің алтын діңгегі. Осы бір жаһұт діңгектің жарқырап көрініп, талайды қызықтырғанымен өзіне кім көрінгенді жақындата қоймас қиқар мінезі бар. Ол маңайына тек таңдаулыларды ғана, тамырынан талантының дүбірлі дүрсілі анық естілетін саңлақтарды ғана жібереді. Сүзгісі қатал, таңдауы таза, іріктеуі әділ. Міне, осынау сүзгі-іріктеуден іркіліссіз өткен сөз зергерлерінің бірі – Қорғанбек Ғалымтайұлы Аманжол. Өйткені, қазақ әдебиетінің берекесін кіргізген, рухани әлемімізде құбылыс тудырған Абай, Мағжан сынды алыптардың ұлы жорығына ілесіп, қазаққа пайдасын тигізуден өңге тілегі жоқ ақын өлеңдерінің өзегінде өшпес рух, ұлттық аңсар, тұңғиық сыр, ізгілік, адам болмысының қыр-сырын мәністеген мәнер, бәрінен де қазақтың арын оятып, намысын жаныр жанайқай, тіліміз бен ділімізге оралуға шақырған азаматтық адал үн бар.
Поэзия • 12 Ақпан, 2023
«Түседі өлең десе қайғы-шерім...»
XVIII ғасырдағы әдебиетіміздің ірі өкілдерінің бірі – Шал (Тілеуке) Құлекеұлы. Бүгінге жеткен мұрасын салмақтаған зерттеушілер ақынды Бұқар жыраудан кейінгі жампоздардың бірі екенін айтады.
