Жүргізуші куәлігі немесе көліктің техникалық құжатын үйде тастап кеткені үшін салынған айыппұлдар жойылады, деп хабарлайды Egemen.kz "Хабар 24" арнасына сілтеме жасап.
Бұл туралы Нұр-Сұлтан қаласы полиция департаментінің баспасөз қызметі жариялады. Олардың мұндай шешім шығаруына жаңа заң әсер етіп отыр. Яғни 13 ақпаннан бастап аталған құжаттарды жүргізушілердің өзімен бірге алып жүруі міндетті емес. Сәйкесінше, бұған дейінгі заң да күшін жояды. Ал айыппұлдар жойылу үшін жүргізуші полиция департаментіне барып, өтініш жазу керек.